Saturday, October 14, 2006

Jab Kisi Jam Ko

jab kisi jaam ko hoton se lagaya mein ne
raqs karta hoa dekha tera saya mein ne

mujh se mut poch mere mohtasib-e-shehar se poch
kiyoon teri aankh ko paimana banaya mein ne

loag kehte hein qasida woh tere husn ka tha
aam sa geet jo mehfil mei sunaya mein ne

maikada bund tha laikin joon he garja badal
apni tauba ko chatakh'ta hoa paya mein ne

shair-o-naghmat ka rishta kabhi tota na qateel
jab ghazal bun ke woh aaya usay paya mein ne

jab kisi jaam ko hoton se lagaya mein ne
raqs karta hoa dekha tera saya mein ne

No comments: